堅石燒 (已結業)

今日晏晝去左食堅石燒 食佢嘅原因係因為想食石燒牛 同埋佢有個自助吧 可以任飲任食 不過去完 真係覺得個$18都唔應該比可能晏晝去冇乜人啦 計埋我地都係得3台 有睇佢個lunch menu 都算抵食嘅 不過得地就簡左食牛 諗住燒下有得開心下 點知都係失望 嗌左大理石牛排300g 睇落係好大份嘅 不過太多筋啦 同埋肉本身雪味好重 如果唔係熟透個味仲勁 不過都有食到好食嘅有啲位 跟住食左牛板肉 呢個肉就比個個好 都係一分錢一分貨啦 肉有牛味 比軟林身 唔會有筋 不過佢個石板唔夠熱 放上到變左係慢慢用溫度令佢變熟 之後叫佢換過塊好左小小 不過都唔夠熱 本來想慢慢燒 最後決定快啲燒完就算 反正換完都一樣講反個$18自助吧 其實冇咩食 得沙律同汽水 仲要係機個種 另外主食有大醬湯 （偏甜） 牛油蒜蓉意粉（呢個真係唔錯嘅）同埋白飯 雪櫃甜品封住左 有個細櫃寫住係啫哩 不過冇興趣就冇行過去睇 加唔加就自己決定啦