勝香園

营业中

休息中

同事要過九如坊做o野, 我o地成班黐車坐, lunch去一趟勝香園。聞名不如見面。地方一定唔會好乾淨, 預o左。不過o個日落住雨就有少少"哩hea"。企o左幾分鐘, 有張比較好少少o既檯, 即刻坐低。阿姐服務態度比想像中好。食佐個茄湯鮮牛豬扒蛋通, 一場o黎到, 食盡d。原來比正常雙併個碗大一半, 上檯o個時都有少少驚食唔晒。鮮牛牛味重, 但唔韌, 幾好味喎! 唔怪得出名啦~ 豬扒調味比較重手o左。梗係要叫返杯馳名奶茶, 仲要多奶o個隻。果然係香夾滑, 我係鍾意重奶味o既, 覺得balance得幾好, 心靈滿足啊! 又試o左檸蜜脆脆, 個名幾得意, 但我同d同事都係prefer 傳統少少o既味道, 下次叫咖央脆脆食o下先。