夢咖啡館 (已結業)

之前聽到朋友話深水埗開左間cafe 已經諗住同男朋友黎試下 見到食評有好有壞 最後決定自己親自同三五知己黎試下先。首先 我地揀左靠窗位置 下面馬路人來人往  自己可以同朋友聽住歌 傾下計嘆tea 真係好舒服。飲品點左焦糖咖啡 美祿恐龍 士多啤梨沙冰 藍梅沙冰。 焦糖咖啡一上枱香味撲鼻 美祿恐龍同藍梅沙冰應該落足料所以出黎個效果好濃 就算你坐得耐冰溶左味道都唔會變淡 最後士多啤梨沙冰我個人最推介 因為好好味 飲落仲有香蕉味 後來同員工傾計 原來佢地會窄成條香蕉落去 難怪咁香 抵讚。然後食物方面 卡邦尼意粉你絕對要試 因為夠濃夠芝士 我同朋友都激讚。青醫雞扒意粉感覺好新鮮 同肉醫意粉就中上程度。雞扒胡麻汁沙律同薯皮拼雞翼都係唔錯既選擇 阿 仲有芝士薯條 如果你都係同幾個女仔朋友一齊黎 大家可以好似我咁叫多幾款野食分享 就可以一路食一路girls talk最後 甜品當然唔少得太極窩夫即叫即整 出到黎熱辣辣 上面有士多啤梨雪糕同朱古力雪糕 身為女孩子既你 無理由唔心動掛順帶一提 cafe既員工好nice好健談 會同你傾兩句 窩夫上枱果陣仲提醒我地 快d食好味d 讚一個！最後既驚喜我地幾個女仔竟