影片
更多
2020-12-14
218 浏览
不嬲都好鍾意打邊爐, 只係怕熱氣唔可以成日打。今日揀左呢間位置方便, 晏晝都有得打邊爐既酒鍋(香港好多火鍋店只開晚上, 就算晏晝有開都係食其他野)。上到27樓, 酒鍋比我既第一個感覺係有點荒涼, 中午1點烈日當空的時間光顧, 但餐廳環境昏暗, 絕對唔係有情調既嗰種, 而係有種因為經營不善, 乏人問津既嗰種灰暗, 有點唏噓既感覺。睇黎肺炎疫情對佢地影響好大。再黎, 當日樓面有兩個侍應, 一男一女, 男侍應服務態度不錯。但個女侍應服務態度就好差。首先, 我地係透過OPENRICE訂位, 同佢講姓葉訂左位, 佢搵左好耐, 話搵唔到, 我地話係OPENRICE訂位架喎, 然後佢話: 係唔係姓葉呀? 我地話: 係。佢竟然仲可以串我地: 咁你地頭先又話自己姓嚴。佢真係好意思咁都講得出, 呢個世界上會有人連自己姓咩都唔知?? 自己聽錯唔認仲要指摘個客人!! 然後到點餐既時候, 問佢有關收費醬料既問題, 想知係一定要兩個一齊叫定可以叫一份兩個SHARE, 然後佢再次以高高在上既老闆口吻同我地講: 一個價錢比你地兩個都有得用喇, 睇你地都唔會用得好多。我心唸: 係唔係要講聲多謝你施捨我地呀! 再黎, 到
上到27樓, 酒鍋比我既第一個感覺係有點荒涼, 中午1點烈日當空的時間光顧, 但餐廳環境昏暗, 絕對唔係有情調既嗰種, 而係有種因為經營不善, 乏人問津既嗰種灰暗, 有點唏噓既感覺。睇黎肺炎疫情對佢地影響好大。
再黎, 當日樓面有兩個侍應, 一男一女, 男侍應服務態度不錯。但個女侍應服務態度就好差。首先, 我地係透過OPENRICE訂位, 同佢講姓葉訂左位, 佢搵左好耐, 話搵唔到, 我地話係OPENRICE訂位架喎, 然後佢話: 係唔係姓葉呀? 我地話: 係。佢竟然仲可以串我地: 咁你地頭先又話自己姓嚴。佢真係好意思咁都講得出, 呢個世界上會有人連自己姓咩都唔知?? 自己聽錯唔認仲要指摘個客人!! 然後到點餐既時候, 問佢有關收費醬料既問題, 想知係一定要兩個一齊叫定可以叫一份兩個SHARE, 然後佢再次以高高在上既老闆口吻同我地講: 一個價錢比你地兩個都有得用喇, 睇你地都唔會用得好多。我心唸: 係唔係要講聲多謝你施捨我地呀! 再黎, 到我地比張點菜紙佢, 都可以有說話聽: 係咁多? 咁我宜家幫你地落架喇。我心唸: 你想我點應你, 你而家唔幫我落，你想聽日先幫我落呀!!莫名其妙!午市只供應午餐, 無得單點。我點左金湯美人鍋配紅薯粉, 黑松露蝦蟹餃, 安格斯肥牛, 麻辣鴨血同炸魚皮。老公點左海蝦冬蔭公配粉絲, 鮮蝦水餃, 毛肚同貢丸。而飲品就只得返🥤汽水(再次令我覺得佢地經營遇上困難)。
食物送上黎既時候, 除左炸魚皮同麵之外, 其餘配菜都已經放曬入鍋, 呢個做法🙅好差。因為呢個唔係湯麵係火鍋, 係一直都會有個火係下面煲住D食物, 但要知道有好多食物都唔耐煮的, 例如肥牛同水餃, 尤其水餃, 煮耐少少就會皮肉分離。其實佢地唔分開D食物同湯底上比我地, 我地都要自行將佢夾返出黎啦, 何苦呢, 慳嗰少少功夫帶黎客人一個咁唔良好既用餐體驗。
我點的火鍋套餐, 金湯美人鍋湯底味道還算鮮甜, 不錯。點呢個湯底會附送食材花膠, 豬肚同雞。花膠同雞表現正常, 但豬肚唔得, 煮得太耐太淋。配料方面肥牛好味, 肉味夠唔韌。黑松露蝦蟹餃同麻辣鴨血唔得, 黑松露蝦蟹餃唔止完全無黑松露味仲要有陣腥味, 聲稱係麻辣鴨血, 其實只係幾件無味既豬紅。
老公話佢點既冬蔭公湯底味道也不錯, 頗為香辣濃郁。配料方面, 佢只係講左句鮮蝦水餃味道比黑松露蝦蟹餃好少少。我地都認為酒鍋只有湯底表現比較令人滿意, 還有當日咁大間餐廳只有加埋我地10個客人, 所以也坐得十分舒適。除此之外, 沒有再去幫襯的理由。
张贴
