入到門口武士盔甲嘅裝飾，枱面上嘅碗筷，都感受到呢一間餐廳嘅檔次。
嚟壽喜燒專門店梗係食壽喜燒啦，咁我哋點咗一份壽喜燒，店員攞出A5和牛，啲和牛排到好靚，店員夾出幫我地燒。我正當好好奇，點解叫棉花糖和牛壽喜燒，佢真係攞咗個棉花糖，擺喺個pan上面，加上壽喜燒汁，將棉花糖同壽喜燒汁融為一體，再放過和牛上去。
燒好之後就點雞蛋，雞蛋佢哋用上蘭王，感受到佢哋所有食材都用上最高級。壽喜燒嘅配菜亦都食得出係高級嘅食材。
除咗壽喜燒愛，佢仲有唔同嘅串燒，令到成件事有多啲選擇。味道亦都非常之好。
我覺得呢間餐廳好適合慶祝用，店舖裏邊唔係特別多人亦都相對地寬鬆，適合一啲特別日子同伴侶去。
