揚食屋

营业中

休息中

餐廳分兩邊，一邊應該是食熱食，飯或意粉之類；另一邊裝修得比較女性化，有甜品及蛋包飯供應。友人約我去女性化那邊等，半自助形式，所以自己入去找位置坐，一坐下，那位侍應拿着餐牌過來問我，你點了餐沒有？我説：我正等朋友，待她來後才點餐。她說：要點這餐牌上的食物，才能坐這裏。第一印象已經不好。到櫃面點完餐後，想要會回收據，看看每份餐幾多錢，他們說：要跟着這單出餐，出完後才能給我😠你咁大間公司，唔可以印多張單自己內部使用。最後不了了之，單都冇埋🤬朋友叫了杯泡沫咖啡，真是只送來杯咖啡來，糖又冇，茶匙又冇。我叫了壺花茶，位侍應搞嚟搞去都放唔到壺茶在我枱面，我幾驚佢揸唔穩壺茶，從個蠟燭座上掉下來燙親佢。幾經辛苦分拆了個蠟燭座，之後再放回壺茶在枱上，然後冇杯😅輪到嘢食！上了湯，即刻上意粉，噤都唔緊要， 唔問都唔俾餐具。問佢攞胡椒粉，佢話我哋餐廳冇胡椒粉，只有鹽😱🤬你廚房冇胡椒粉點煮飯啊！我朋友是常客，可以用咖啡卡換個蛋糕給我吃，有兩款蛋糕可以換，而我想要那款蛋糕已沒有，佢居然同我講叫我明天再來過，而沒有叫我試下其他蛋糕😅其實我唔介意花錢買蛋糕，我都見到有一款幾吸引，但你叫我明天來，我就聽你講，唔買。