半糖主義 (已易手) 新餐厅

我今晚同朋友食完晚飯，諗住同朋友試吓附近嘅甜品屋。行咗好耐，本身諗住去另外一間甜品屋，但係條隊好長，咁所以我同我個朋友就嚟咗呢一間甜品屋。第一次嚟試呢間甜品店，見到好多正面嘅食評，以為會好好。點知叫咗一個楊枝甘露加小丸子豆腐花，個甜品淨係好似得糖漿，甜得好假。芒果只係得壹小塊，一啲都冇料到。啲豆腐花亦都好鞋，唔滑囉。超級市場度買嘅百福豆腐花都比佢滑。非常極之失望，唔會再去！亦都唔會建議啲自己嘅朋友去。