鵬哥清湯腩

营业中

休息中

作為街坊上星期路過見到新開，店舖裝修幾光猛，望吓個餐牌又好似幾吸引，再睇咗幾個食評諗住可以一試，咁啱今日OT夜咗放工就諗住試吓，兩個人，叫咗咖喱牛坑腩飯、腩汁蘿蔔同醉雞，仲加咗$ 5轉雞髀添，牛坑腩係ok嘅，可惜個咖喱汁味道非常淡薄冇內涵兼且上枱嗰陣唔熱，失敗！個腩汁蘿蔔都係唔熱，失敗！但係個醉雞竟然係熱嘅，啲肉即刻靭哂，同埋$50 嚟講都幾細碟下，真係失敗中嘅失敗，食完極度失望，啱啱開張其實仲有漫漫長路，希望可以改善一下食物質素。