海南雞專門店

住左係依邊咁多年，由佢未岀名開始食，見住佢由$25加到$28再加到$30，但係都係覺得物超所值，咁多年來味道都無變過，都係咁好食。雖然雞飯有加價，但係佢加料個啲就冇，例如加雞一直都係$5。

佢會包一個冬瓜湯，自從飲過一次之後我就冇再叫佢俾埋我，因為我係一個重口味嘅人，佢個冬瓜湯適合健康人士飲，極度淡，但都可以證明到佢係冇落味精。

佢係12點左右就會開始多人，好多學生都會去排隊買來食，大概都要等15-20分鐘，如果想食就盡量避開呢啲時間喇

同埋太安樓冇冷氣同好焗，排起隊上嚟都幾辛苦

海南雞飯

$30