影片
更多
2023-10-28
1161 浏览
上海嘢一向多素食選擇，太子嘅呢間滬上園就比一般嘅上海小館更加素食 friendly。💑除咗四喜烤麩，麻辣雲耳等基本嘢，佢仲有素雲吞，素紅油抄手，上蔬什錦湯麵，蕃茄雞蛋湯麵等多款素食。真漢子今次試咗：🌶️ 尖椒皮蛋豆腐 $34除咗賣相精緻，食落都好出色。豆腐超滑，皮蛋就好香同爽口，用匙羹筆埋啲芫荽，辣椒同混入麻油嘅醬汁一齊食，超級正。😍🥵 素紅油抄手（六粒）$45脹卜卜嘅抄手表面布滿蔥蒜，入面嘅餡料係滿滿嘅小棠菜，仲有啲蟲草花同菇粒添，餃子皮煙煙韌韌，辣汁唔算辣得太過分，仲好好味添。紅油抄手真係唔係間間都好食，呢度真係做得好到家。👍🥟 蟲草花素雲吞（八粒）$46落單時職員問咗我係咪食素就自動改素湯，而且問埋食唔食蛋同蔥，因為佢有少許蛋絲，非常細心同照顧週到。☺️雲吞同抄手嘅餡料係一樣嘅（唔意外啦 😅），但皮就雲吞比較薄，連埋好清同鮮甜嘅素湯一齊食，味道非常清新，同抄手比又係另一種風味 😙。湯有大量紫菜，真漢子一向覺得紫菜係素食者恩物，因為無論個湯幾清淡，加咗紫菜都會有提鮮嘅效果。😛呢度十二點先開 (星期一休息），但十一點九已經有熟客等開門，已經知佢高質。真漢子覺得滬上園有以下優點：🧭 位於太
除咗四喜烤麩，麻辣雲耳等基本嘢，佢仲有素雲吞，素紅油抄手，上蔬什錦湯麵，蕃茄雞蛋湯麵等多款素食。真漢子今次試咗：
🌶️ 尖椒皮蛋豆腐 $34
尖椒皮蛋豆腐
$34
30 浏览
1 赞好
0 留言
🥵 素紅油抄手（六粒）$45
素紅油抄手
$45
14 浏览
0 赞好
0 留言
🥟 蟲草花素雲吞（八粒）$46
蟲草花素雲吞
$46
26 浏览
0 赞好
0 留言
蟲草花素雲吞
$46
18 浏览
0 赞好
0 留言
雲吞同抄手嘅餡料係一樣嘅（唔意外啦 😅），但皮就雲吞比較薄，連埋好清同鮮甜嘅素湯一齊食，味道非常清新，同抄手比又係另一種風味 😙。湯有大量紫菜，真漢子一向覺得紫菜係素食者恩物，因為無論個湯幾清淡，加咗紫菜都會有提鮮嘅效果。😛
呢度十二點先開 (星期一休息），但十一點九已經有熟客等開門，已經知佢高質。真漢子覺得滬上園有以下優點：
🧭 位於太子，雖然唔係喺正地鐵站旁，但都超方便，而且唔係太子最旺個 area，變相冇話多人到好煩。😊
💲價錢平，份量多，仲要堅好食。😋
💁♀️雖然非連鎖，甚至一間分店都冇，但職員態度好好，爽手又有禮貌，餐廳環境乾淨企理，坐得好舒適。😄
總括嚟講非常滿意，極推介。完。💚
张贴
