八不·壽喜燒

营业中

休息中

好耐无食过寿喜烧啦，于是同妈妈嚟到喺太子嘅八不·寿喜烧，餐厅离地铁站行五分钟左右，非常方便。店内嘅空间唔算多，不过布置充满日本嘅格调，店内都摆放咗充满日本文化嘅工艺品。上菜之后，店员会先简单讲解步骤，可以先肉后菜，根据自己嘅口味，加入寿喜烧汁同清汤，咁就唔使担心太浓太淡啦。✨「肉香の追求」和牛封门柳寿喜烧套餐包括一份野菜拼盘、日本鸡蛋同埋和牛封门柳。野菜拼盘份量都好大份，有娃娃菜、南瓜、豆腐、金菇、粉丝同洋葱等等，新鲜抵食。而和牛封门柳肉味香浓，口感柔软，煮好之后仲可以加上蛋汁，令到肉质更加滑嫩顺口。✨吉列广岛蚝赤面大大碗嘅赤面汤味较浓加上肉质鲜嫩嘅吉列蚝，带有浓郁嘅海鲜味道，外皮酥脆香口，点埋酱食好正呀😋✨日本青丝海蜇青丝海蜇味道清新，有青瓜丝、海蜇同樱花虾，海蜇肉身较薄，口感爽脆，配埋青瓜丝，开胃又健康。