92
3
0
等级4
呢晚朋友带我去太子巷仔入面嘅一间串烧店食晚饭,佢食过话几正。我一开始去到仲以为餐厅无开,原来系出面嗰间泰国嘢无营业姐🤣。其实都有大大个灯箱写住「隐町」加个箭咀嘅。居酒屋好细间,一眼睇哂,厨房占一半,另外再有Bar枱同两三张二人枱,但装修真系几和风下,唔错🏮。不过冷气比较劲,可能要吹散啲油烟吧,始终厨房系半开放式。店员好细心😙,一坐低後就比个篮我哋放袋,仲简单介绍下餐厅有乜食。佢话呢到嘅鸡肉串烧最为出名,因为全部都采用咗德岛县阿波尾鸡🐔。厨师精选沙律🥗($58),今日系豆腐沙律,份量多之余,个组合仲几夹,有车厘茄、木鱼同豆腐,食完即刻开胃。炸池鱼BB🐟($58),呢个系是日精选,店员话鱼仔系经飞机运到㗎✈️,鱼仔炸得好脆口呀,点埋旁边嘅沙律(蛋白?)酱食,好正。成碟有成十几条,唔会唔够喉。我哋要咗三款鸡肉串烧Yakitori🐓,左中右分别系鸡翼($28)、盐烧鸡肉串($38)同鸡心($30)。烧鸡翼我锺意食~,原来系鸡全翼嚟㗎,好好肉。鸡肉串就不过不失啦。至於鸡心,我系第一次食,都比想像中易入口,但建议要衬热食。跟住系鸡软骨($22)同白鳝($58),🦴呢到嘅鸡软骨有诚意喎,同平日唔同,比
更多
8 浏览
0 赞好
0 留言
呢晚朋友带我去太子巷仔入面嘅一间串烧店食晚饭,佢食过话几正。我一开始去到仲以为餐厅无开,原来系出面嗰间泰国嘢无营业姐🤣。其实都有大大个灯箱写住「隐町」加个箭咀嘅。
24 浏览
0 赞好
0 留言

居酒屋好细间,一眼睇哂,厨房占一半,另外再有Bar枱同两三张二人枱,但装修真系几和风下,唔错🏮。不过冷气比较劲,可能要吹散啲油烟吧,始终厨房系半开放式。
88 浏览
0 赞好
0 留言

店员好细心😙,一坐低後就比个篮我哋放袋,仲简单介绍下餐厅有乜食。佢话呢到嘅鸡肉串烧最为出名,因为全部都采用咗德岛县阿波尾鸡🐔。
13 浏览
0 赞好
0 留言

厨师精选沙律🥗($58),今日系豆腐沙律,份量多之余,个组合仲几夹,有车厘茄、木鱼同豆腐,食完即刻开胃。
9 浏览
0 赞好
0 留言

炸池鱼BB🐟($58),呢个系是日精选,店员话鱼仔系经飞机运到㗎✈️,鱼仔炸得好脆口呀,点埋旁边嘅沙律(蛋白?)酱食,好正。成碟有成十几条,唔会唔够喉。
9 浏览
0 赞好
0 留言

我哋要咗三款鸡肉串烧Yakitori🐓,左中右分别系鸡翼($28)、盐烧鸡肉串($38)同鸡心($30)。烧鸡翼我锺意食~,原来系鸡全翼嚟㗎,好好肉。鸡肉串就不过不失啦。至於鸡心,我系第一次食,都比想像中易入口,但建议要衬热食。
6 浏览
0 赞好
0 留言

跟住系鸡软骨($22)同白鳝($58),🦴呢到嘅鸡软骨有诚意喎,同平日唔同,比较大块同脆身,店员解释话系用咗鸡胸附近位置嘅软骨。烧白鳝好香口、无腥味,亦无咩骨、大啖肉👍。
4 浏览
0 赞好
0 留言

另外三款(左中右)分别系味噌黑毛豚肉五花腩($40)、青葡萄豚肉卷($28)同日式青椒仔($28)。两款豚肉Kushiyaki都超好食😋,有少少肥肉特别香、特别Juicy。五花腩肉好入味,够哂浓,流哂口水!日式青椒仔系用上Padron Peppers,所以连小新都啱食🙈。
2 浏览
0 赞好
0 留言

至於青葡萄豚肉卷就系全晚嘅MVP,皆因葡萄🍇同豚肉🐷好夹,甜甜地咸咸地,味道好丰富🤤。Encore之选!
2 浏览
0 赞好
0 留言

最後,我哋各自嗌咗一个烧饭团🍙($38),咁呢餐就够哂啱啱好。饭团慢功出细货,等咗阵先有得食,但亦系另一诚意之作。饭团系落咗酱油先烧,外面烧到脆脆的,里面就好入味。
16 浏览
0 赞好
0 留言

总括嚟讲,隐町嘅串烧好出色,考虑到食物质素嘅话,价钱其实唔算贵。🍢串烧款式多,大路同偏门嘅都有,如果可以卖埋乌冬等比较饱肚嘅食物,就无敌了。由於餐厅真系比较细间,下次食要Book定枱,系今日好好彩先Walk-in都唔使等😊。
9 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2020-03-17
用餐途径
堂食
人均消费
$250 (晚餐)
推介美食
  • 青葡萄豚肉卷
  • 鸡软骨
  • 味噌黑毛豚肉五花腩