更多
2020-03-25
940 浏览
呢晚朋友带我去太子巷仔入面嘅一间串烧店食晚饭，佢食过话几正。我一开始去到仲以为餐厅无开，原来系出面𠮶间泰国嘢无营业姐🤣。其实都有大大个灯箱写住「隐町」加个箭咀嘅。居酒屋好细间，一眼睇哂，厨房占一半，另外再有Bar枱同两三张二人枱，但装修真系几和风下，唔错🏮。不过冷气比较劲，可能要吹散啲油烟吧，始终厨房系半开放式。店员好细心😙，一坐低后就比个篮我哋放袋，仲简单介绍下餐厅有乜食。佢话呢到嘅鸡肉串烧最为出名，因为全部都采用咗德岛县阿波尾鸡🐔。厨师精选沙律🥗($58)，今日系豆腐沙律，份量多之余，个组合仲几夹，有车厘茄、木鱼同豆腐，食完即刻开胃。炸池鱼BB🐟($58)，呢个系是日精选，店员话鱼仔系经飞机运到㗎✈️，鱼仔炸得好脆口呀，点埋旁边嘅沙律(蛋白?)酱食，好正。成碟有成十几条，唔会唔够喉。我哋要咗三款鸡肉串烧Yakitori🐓，左中右分别系鸡翼($28)、盐烧鸡肉串($38)同鸡心($30)。烧鸡翼我钟意食～，原来系鸡全翼嚟㗎，好好肉。鸡肉串就不过不失啦。至于鸡心，我系第一次食，都比想像中易入口，但建议要衬热食。跟住系鸡软骨($22)同白鳝($58)，🦴呢到嘅鸡软骨有诚意㖞，同平日唔同，比
呢晚朋友带我去太子巷仔入面嘅一间串烧店食晚饭，佢食过话几正。我一开始去到仲以为餐厅无开，原来系出面𠮶间泰国嘢无营业姐🤣。其实都有大大个灯箱写住「隐町」加个箭咀嘅。
居酒屋好细间，一眼睇哂，厨房占一半，另外再有Bar枱同两三张二人枱，但装修真系几和风下，唔错🏮。不过冷气比较劲，可能要吹散啲油烟吧，始终厨房系半开放式。
店员好细心😙，一坐低后就比个篮我哋放袋，仲简单介绍下餐厅有乜食。佢话呢到嘅鸡肉串烧最为出名，因为全部都采用咗德岛县阿波尾鸡🐔。
厨师精选沙律🥗($58)，今日系豆腐沙律，份量多之余，个组合仲几夹，有车厘茄、木鱼同豆腐，食完即刻开胃。
炸池鱼BB🐟($58)，呢个系是日精选，店员话鱼仔系经飞机运到㗎✈️，鱼仔炸得好脆口呀，点埋旁边嘅沙律(蛋白?)酱食，好正。成碟有成十几条，唔会唔够喉。
我哋要咗三款鸡肉串烧Yakitori🐓，左中右分别系鸡翼($28)、盐烧鸡肉串($38)同鸡心($30)。烧鸡翼我钟意食～，原来系鸡全翼嚟㗎，好好肉。鸡肉串就不过不失啦。至于鸡心，我系第一次食，都比想像中易入口，但建议要衬热食。
跟住系鸡软骨($22)同白鳝($58)，🦴呢到嘅鸡软骨有诚意㖞，同平日唔同，比较大块同脆身，店员解释话系用咗鸡胸附近位置嘅软骨。烧白鳝好香口、无腥味，亦无咩骨、大啖肉👍。
另外三款(左中右)分别系味噌黑毛豚肉五花腩($40)、青葡萄豚肉卷($28)同日式青椒仔($28)。两款豚肉Kushiyaki都超好食😋，有少少肥肉特别香、特别Juicy。五花腩肉好入味，够哂浓，流哂口水！日式青椒仔系用上Padron Peppers，所以连小新都啱食🙈。
至于青葡萄豚肉卷就系全晚嘅MVP，皆因葡萄🍇同豚肉🐷好夹，甜甜地咸咸地，味道好丰富🤤。Encore之选！
最后，我哋各自嗌咗一个烧饭团🍙($38)，咁呢餐就够哂啱啱好。饭团慢功出细货，等咗阵先有得食，但亦系另一诚意之作。饭团系落咗酱油先烧，外面烧到脆脆的，里面就好入味。
总括嚟讲，隐町嘅串烧好出色，考虑到食物质素嘅话，价钱其实唔算贵。🍢串烧款式多，大路同偏门嘅都有，如果可以卖埋乌冬等比较饱肚嘅食物，就无敌了。由于餐厅真系比较细间，下次食要Book定枱，系今日好好彩先Walk-in都唔使等😊。
张贴
