雲吞仔 (已結業)

去太子食雲吞麵通常會食 “潮x園”，因為平靚正。今次無意中發現左一間喺花園街街尾既雲吞麵舖，有特色又好味，以後食雲吞麵又多個選擇。店舖整潔光猛，方枱設計坐得舒服。牆上掛左幾幅今昔香港對比照，再配上特色瓷磚，好有心思。粉麵每碗$38，可轉菜底，仲有幾款套餐配搭。聽完店員推介，揀左個雲吞牛筋雙拼套餐，$63。湯底好香唔過鹹，份量都幾多：有3粒雲吞，牛筋都有幾條。雲吞皮好薄好滑，餡料好足，蝦夠爽口彈牙，同豬肉比例剛好，唔多肥膏。牛筋軟腍入味，滿滿既膠質，正！粗麵口感唔錯，無鹼水味，魚皮同豆漿就一般。見佢餐牌仲有個黑松露雲吞，可惜去到已經賣晒，仲見到有客黎拎之前訂左既生黑松露雲吞，應該好受歡迎，下次一定要再黎試下。另外一提係店員服務態度好好，好有禮貌，加分！