連之前喺K11食過既幸福鳥都進駐，
有一排bar位可以睇住師傅整串燒，夠哂風味！
🥢燒雞泡魚干 $68
口感香香軟軟，甜甜地仲有焦香味，
唔會有乾韌感，點埋沙律醬仲惹味！
🥢刺身拼盤 $318
五點刺身口感鮮爽涼快
先食中間嘅章紅魚，魚肉緊實回甘
赤身魚味濃厚
三文魚肌輕脂軟滑
原粒帶子，大粒夠厚，柔軟鮮甜
赤蝦🦐肉身飽滿，蝦味餘韻悠長，蝦膏濃厚
🍢極上牛舌 $88
牛舌三大片
細嚼爽軟有彈性，質感Juicy
加薑蓉、兩三滴檸汁，味道更甘香
🍢幸福鳥免治軟骨雞肉$68
有幾款味，我就揀左塩燒、汁燒
汁燒仲會配埋蛋黃，蘸住黎食有香滑蛋汁又有燒汁，好有層次。
軟骨雞肉彈滑有口感。
塩燒主要食返原味道。
🐓幸福燒雞 $188
製作需時，建議預早半個鐘order
燒雞皮薄香脆，色澤金黃
雞脾位超大隻，切開食啖啖肉
肉質嫩滑爆汁，雞油香氣沛出
加幾滴鮮檸汁提鮮，咸香感更加突出
🦑汁燒原條九州槍魷魚 $158
魷魚搽左燒汁
觸鬚、魷魚筒、尾巴三大部分
魷魚鬚煙韌脆口
筒身切成多件魷魚圈，口感爽軟
尾巴肉質相對結實回彈
🍍沖繩菠蘿 $38
燒菠蘿本身都好食，呢度仲用沖繩產，甜度更高，
香甜境界真係要親自試下
🌽蒜香粟米 $58
燒粟米聞到已經夠香
咬落勁多汁，仲有濃厚牛油蒜香味
粒粒飽滿。
🥢豆腐 $38
黃金豆腐皮包住雪白豆腐，
香香滑滑，燒過後豆香更濃厚
🥘牛肉壽喜燒鍋 $188
鍋底放壽喜燒汁，明火煮滾即食
半熟牛肉伴蛋黄汁，入口嫩滑又純鮮
野菜温熱掛汁，豆腐菇菌蔬菜味道更甜💕
