北海丼 (已結業)

今日遲咗出門口，又落大雨，2:30pm先去到太古城搵女朋友。女朋友特別推介北海丼下午茶餐。原來佢下午茶魚生飯有特價。入咗去楚之後，侍應好快俾咗杯茶，好有禮貌咁樣問我地食乜嘢。選擇唔多，最後我叫咗個火炙左口魚邊海鰻丼 $108。魚生飯細細碗，但勝在夠新鮮🐟左口魚邊火炙完勁多油，香噴噴，啲油慢慢流落碗飯度超正。除咗魚生之外，飯上面仲配有海帶沙律，生姜，同Wasabi，可以用來解下油膩感。海鰻本身亦都好大條，正常水準。特別一提個炸蝦卷幾好食🍤 但豉油略鹹，點沙律醬好食啲。另外沙律亦都好新鮮，啲菜非常之爽口，同芝麻醬好夾。整體而言，價錢正常，性價比太古城嚟講都算唔錯，加埋店裏面嘅裝修，我覺得已經好好☺️