泰中意 (已搬遷) 新店位置

啱啱去完曼谷冇幾耐，好掛住泰國菜🤣第一時間就諗起泰中意😜即刻要過嚟食。天氣咁熱，坐低就要叫個椰青解暑，好清甜，咁大個$39真係好抵。泰國嘢點會少得Pad Thai😋呢度炒得比較濕潤，我鍾意，最怕乾爭爭😂酸甜鮮辣平衡得好好。另外冬陰功都唔錯，真材實料。飲得出有好多泰式香料，偏辣一啲😋雖然湯唔係連個爐一齊上，不過都好夠熱👍🏻讚。見到隔籬枱食生菜包食得好滋味，我哋又忍唔住叫咗，上枱好香，唔會好油，配青檸榨汁真係好開胃🤣食食吓就好快食晒。呢個呢度兩三次，每次水準都平均keep到，食物款式選擇都多，下次再嚟試下其他。