影片
更多
2010-12-09
43 浏览
米芝蓮每年發佈當年”有星”食肆都喺十一月。今年稍為後延，於今週發表。當然有人歡喜有人愁。“摘星”始終是一種榮譽，更重要的，是未來一年賣座的保證。做生意（大家千祈唔好有美麗嘅誤會，做餐館喺為發揚飲食文化！因為有呢個理想嘅都遲早捱唔住巿場嘅扭曲而退出。）嘅最大夢想喺攞星就一啲都唔奇囉。無可否認，我自己都有沉迷追星。每年公佈例必第一時間book枱，驚死執輸。可以提早同朋友耀舞揚威：“睇吓，我琴日食咗x粒星”。。。唸深一層，我哋自己對食味、鑑賞食材、中式煮食傳統喺唔喺已經冇哂信心，要靠外人嚟話俾自已知乜嘢先至喺好食？星期五喺每個禮拜最最開心嘅。大家約埋食番餐好，唔駛驚要趕返屋企。今次去港島廳。佢今年有一粒星。地處“皇九”（皇后大道中九號）。曾幾何時喺中環地標。可惜業權分散，近年每下愈况。從以前嘅Joyce企喺潮流最前線，為一in人必shop之地。到而家門庭冷落，店舖古靈精怪騎呢。港島廳門口有懷舊feel。木框玻璃門銅把手有心思。入到去更俾佢嘅“落本”程度震撼著。無論燈光、枱椅、擺設、高樓底、伙部制服企理。。。統統都有心機做。櫈腳尾喺用金屬！我地四個人輪流估佢地裝修用咗幾多錢？幾時先至番本？餐牌
無可否認，我自己都有沉迷追星。每年公佈例必第一時間book枱，驚死執輸。可以提早同朋友耀舞揚威：“睇吓，我琴日食咗x粒星”。。。唸深一層，我哋自己對食味、鑑賞食材、中式煮食傳統喺唔喺已經冇哂信心，要靠外人嚟話俾自已知乜嘢先至喺好食？
星期五喺每個禮拜最最開心嘅。大家約埋食番餐好，唔駛驚要趕返屋企。今次去港島廳。佢今年有一粒星。
地處“皇九”（皇后大道中九號）。曾幾何時喺中環地標。可惜業權分散，近年每下愈况。從以前嘅Joyce企喺潮流最前線，為一in人必shop之地。到而家門庭冷落，店舖古靈精怪騎呢。港島廳門口有懷舊feel。木框玻璃門銅把手有心思。入到去更俾佢嘅“落本”程度震撼著。無論燈光、枱椅、擺設、高樓底、伙部制服企理。。。統統都有心機做。櫈腳尾喺用金屬！我地四個人輪流估佢地裝修用咗幾多錢？幾時先至番本？
餐牌不複雜。頭幾頁不外乎鮑參翅肚，然後燒味，豬牛雞，素菜，湯，主食炒粉麵飯，點心。很傳統，可能為跟裝修風格統一。但有時我覺得凡事唔好over-done。傳統唔喺要一成不變。用新派食品改良佩搭會效果好d。鮑參翅肚亦唔係我杯茶。佢又冇頭盤，只好直上主菜。要咗松露炆雞、山楂汁肉排、帶子墊梨、粗蒜炒芥蘭、木耳豆卜枝竹、潤腸鴿腿、甜品喺荔芋燉鮮奶。
先講松露炆雞－冇松露。或者簡單d講，喺什菌炆雞比較正確。事實上個價錢點會有松露？可能有truffle oil啩？但真喺食唔到。最離譜嘅竟然用雪雞加生粉“嗱”過，完全無雞味！心裡比入嚟睇到漂亮裝璜時更“震憾”。點俾得人食？第二味馬上將期望降低，希望只喺一時失手！山楂汁肉排－d山楂汁呢？對唔住，就算真喺有，都食唔到味。明明喺茄汁加紅椒！肉排又喺雪藏貨－骨肉分離－骨同肉冇啦冇lung。唉，接連出事，心中知道今次lai梗。。。第三味用帶子放喺塊梨上面一齊炸，喺點心制法。算不太差。再嚟粗蒜炒芥蘭，也可。到咗木耳豆卜枝竹，又中蕉。。。用平價木耳同有小小油“益”嘅豆卜（放得太耐）加非常有趙口嘅枝竹（炸過籠兼乾身）加蠔油獻。街邊茶餐廳賣38蚊（連例湯加白飯）嘅貨色。最後喺潤腸釀咗落隻鴿腿入面再成隻炸。咬落潤腸汁吡出嚟，味道唔錯，香口。
甜品睇個名我仲以為喺燉鮮奶裏面藏咗d荔芋，原來喺淋喺上面。。。荔芋一d都唔香。。。
呢度如果攞嚟傾生意一流。招呼外國人更佳。你唔好笑，有好多外國人以為中國人仲喺有辮嘅。將d懷舊原素炒埋一碟有得sell架！
出到街，抬頭一望，見到在中環夜晚燈火通明下，天上嘅一粒星。。。
张贴
