捌哥.捌哥特色馬拉茶啡廳

营业中

休息中

食马来西亚菜，第一时间就会谂到苏妈苏妈，今次就试下另一间，系深水埗既捌哥.捌哥🤤入面既野食同苏妈苏妈差唔多，都有肉骨茶、虾面、老鼠粉呢啲食，但系同时都有其他特别啲既食，好似呢款辣死他啦咁😳个饭系蓝色既，冇系其他地方见过！野食性价比几高，睇得又食得，价钱都合理。 1️⃣辣死他啦配仁当牛肉（$65） 之前有系苏妈苏妈到食过辣死你吗既椰浆饭，但系呢度仲有款辣死他啦😳个饭系蓝色既蓝花饭，好抢眼。配料非常丰富，有参巴酱、椰丝、椰菜丝、红洋葱、豆角、虾饼、咸蛋、薯仔。个饭食落其实就冇乜特别，但系其他配料每样都好好食👍好似个薯仔咁，煮得好淋，咖喱汁少少辣，几惹味。另外虾饼好脆😋牛肉份量都几多，煮得入味，送饭食一流！  2⃣️马来亚拉茶（跟餐） 午餐食都几抵，有得跟埋野饮👍拉茶送到黎既时候面头好多奶泡🤤饮落茶味香，而且唔会太甜，推荐！