文記粉麵茶餐廳 (已結業)

因為有啲事難得嚟到慈雲山，因為對面好出名嘅慈雲山名店排曬長龍，咁因為要食個快飯，唯有去對面嗰間啦。未行到埋去已經聞到好香嘅煲仔飯味，果日天氣涼涼哋，望住一煲煲熱辣辣嘅煲仔飯拎出嚟，所以我就二話不說咁入咗去鋪頭lu。叫咗個北菇滑雞飯，仲加咗臘鴨。 等咗大概十幾二十分鐘個熱辣辣嘅煲仔飯就拎到過嚟，店舖個阿姐仲好好咁提醒我哋要焗下先，唔好咁快打開蓋。個飯份量十足，加埋豉油非常香口，重點當然係有飯焦，非常滿足秋風起果然要食煲仔飯！