1
天氣涼涼哋，最鍾意就係食雞煲打邊爐🐔🫕。
今次嚟到呢間烤魚世家雞煲就梗係要試下佢個雞煲先啦，一坐低職員就過嚟幫手消毒啲杯碟，安全衛生指數令人放心👍
2
我哋揀咗個招牌重慶鮮雞煲-BB辣🌶，職員比左個漏斗我哋，等啲沙漏晒就可以開餐啦。
啲沙終於漏晒啲，一食估唔到會咁辣，唔知係真係咁辣定比錯咗呢，anyway 都照食啦，雖然辣啲，不過都幾惹味，啲雞肉份量都幾多，而且夠滑夠嫩。
火鍋點可以唔食肥牛卷🐮，食落都算嫩，不過就肥左啲。
魚皮酥香爽脆，打邊爐配魚皮真係無得輸。
魚皮餃係我必點，餃皮魚味香濃，厚身爽滑。
蟹籽墨魚滑，大家都睇到佢有幾多蟹籽包住，咬落去好爽脆，墨魚滑夠彈牙👍。
