牛站(駅)麻辣火鍋放題

呢間任食放題火鍋真係超正！今晚同朋友去食，湯底揀咗清甜椰子雞鍋，煮海鮮啱唒，鮮甜😍

海鮮：
• 鮮甜沙白超厚肉，咬落彈牙又 juicy！😍
• 大頭蝦大大隻，仲少少識郁，剝殼即食超爽口！
• 蘭花蚌同象拔蚌片煮完仲保持到個鮮甜味！
• 鮑魚一啲都唔腥，新鮮軟糯！👍🏻

肉類有澳洲M5和牛同特上牛小排肥瘦均勻，油花分佈完美，涮幾秒就入口即化😍

涼盤都有驚喜，涼拌魚皮超爽口好開胃！蕃茄仔都新鮮。

自取區熱食有牛雜同羊腩，牛雜夠入味，羊腩炆得腍滑👍🏻

最後仲有Häagen-Dazs雪糕！有好多口味任揀，朱古力永遠係我的真愛😍😍😍