大雞食堂

今日同老婆到銅鑼灣走走逛逛，路過附近剛好肚仔餓，見到大雞食堂個門面大大塊好搶眼，就入去食餐晏仔。

見到餐牌主打燒雞扒，當然揀左個招牌葱油燒雞扒撈丁，雞扒入口就食到雞皮燒到脆香，好有香烤味，雞肉唔會好柴，都幾嫩口多汁，望一望廚房係理叫現烤，唔會放到乾哂，值得一讚。葱油撈丁煮到質地彈牙，葱油味適中，味道唔會太搶，恰到好處，份量都好夠。

一邊食一邊留意到好多街坊幫襯，同店員有講有笑，充滿人情味，係一間窩心小店。