更多
2020-03-13
29 浏览
日日home office,真系屈到个人好闷,点都要揾日出去食饭见吓朋友。星期五嚟到尖沙咀喜来希肉,估唔到咁多人!又话经济唔好生意差嘅?!好彩我哋一早订咗位,叫做唔驶等。两个人叫咗三款烧肉同一个海鲜大酱汤,烧肉分别系喜来烤肉,牛护心肉,同辣五花肉。喜来烤肉薄切,油脂均匀,调味料甜甜哋。牛护心肉嫩滑,油份不高,肉味较重,啱晒牛魔王嘅我!食得韩式烤肉,又点少得烤熟五花肉之后用爽脆生菜夹住嚟食丫!肥系肥d,但真系抗拒唔到啰!所有配菜、泡菜、同炉边蛋都系可以无限次refill,真系唔觉唔觉食好多!我哋最后仲叫咗个海鲜大酱汤,有蟹有蚬,加埋浓浓嘅大酱汤,几饱都食晒成碗饭!
张贴