泰COOL (彌敦道) (已結業)

夏日炎炎好岩食泰國菜！我地兩條友嗌左柚子大蝦沙律，咖哩軟殼蟹農天包同埋芒果糯米飯。柚子沙律酸酸甜甜，食落帶有陣陣柚子既香氣，非常開胃醒神。美中不足嘅係大蝦份量有D少。主菜咖哩軟殼蟹農夫包非常吸睛，大大份，好足料。麵包浸係咖哩醬中，非常惹味。軟殼蟹同樣味道鮮美，出色。最後上來的芒果糯米飯，有紫米同白糯米兩種，芒果新鮮唔酸，配上椰汁非常可口。對熱愛泰菜既我來說非常滿足。埋單350，中意泰菜既朋友不妨一試。