史丹利餐廳 (已結業)

同朋友好耐無見，終於約到出黎食下飯!朋友住附近，話有呢間餐廳想試好耐，一於黎試下!食物種類非常多，仲有我最愛既burger!但呢排食太多，食下扒算了南瓜湯好甜好香南瓜味!muffin夠哂鬆軟芝士墨西哥烤薄餅店員話薄餅係呢間嘢嘅拿手菜式，見佢推介就一於試下啦。果然冇令我失望，佢地既薄餅的確係出色。薄餅既皮比較軟身，係我鍾意既質感。而入面嘅餡料係雞肉同芝士。雞肉好足料，芝士都好香，唔會食到好溜，自己一個可以食曬成塊都唔會覺得濟。值得一試!慢煮西冷扒西冷比較重牛肉味，扒本身幾厚肉，煎完出黎食落唔會好韌。但如果可以多番少少黑椒汁就更好啦。10分我俾8分啦!朱古力脆脆蛋糕食完正餐更係要食返個甜品啦。老老實實，睇賣相就唔算非常出色，睇落以為只係一個普通嘅朱古力蛋糕。但意外地，原來個蛋糕好好食! 食落口質感好滑，好香朱古力味但又唔會過甜。我朋友話覺得有小小苦苦地，但我就係鐘意呢種小小甘甘地既味。仲有要讚一讚餐廳既環境。平時坐張兩人枱細到咩咁, 呢度既兩人枱夠晒大，唔會有逼既感覺。同埋店員服務態度好好，會主動同我地推介邊啲野好食。整體黎講我都幾滿意，值得去食👍但掛住傾計唔記得影下店內裝修，佈置得幾靚而