～～～～～～～～～～～～～～～～～～～～～～～～～～
隔左幾日先出既post
同朋友去左試食呢間 位於大角咀馬來西亞菜
因為大家都肚餓 所以叫左個<風味娘惹2人餐>
抵食之餘仲非常飽肚 非常值得推介比各位😋😋😋
🐟～古來咖哩魚～
份量十足 而且用火慶住碟身 我同朋友係咁影影影都仲係好暖
味道方面 咬落魚肉幾鮮 而且有小小咖哩味 好特別既感覺
🍜～娘惹唎沙～
個人認為係全個2人餐入面最出色最好味 唎沙辣適中 非常適合想食小小辣既朋友
配料方面亦好豐富：豆卜、山菜、扎肉、蝦、蛋、蜆肉
麵底選用油面 好爽之餘亦無吸走d湯 朋友同我都激讚呢個唎沙面
🍞～椰香南洋燒麵包～
果然作為招牌菜 無令我地失望
麵包烘得又香又脆 中間夾住咖央醬亦好香好甜
如果唔驚肥既即管食多d啦
🥬～秘醬炒油麥菜～
小小辣加上秘制醬令本身已經好有味既油麥菜再更加入味
🥩～馬拉沙嗲串燒～
豬雞牛各一串 黎到其實個香味已經好出好濃烈
配埋餐廳獨有既秘制花生醬 勁香勁甜勁入味
而且燒得剛剛好 唔會有種肉燒到好老既感覺
🍤～泰式炸蝦餅～
炸得好脆 唔會好粉 咬落亦好有口感
🥤～美祿特飲～
🥤～馬來西亞拉茶～
朋友叫左熱飲 雖然我無試到 但係都聞到一絲絲既美祿味
而我自己就叫左凍既馬來西亞拉茶 同港式奶茶相比 呢杯會比較滑
港式既則比較注意茶味 喜歡試唔同奶茶既朋友都可以試下
朋友話等齊野食影張相再食 所以我都都忍口等黎到先食
🏠～餐廳環境～
整體環境舒服 主打懷舊風既朋友可以黎打卡😄
環境～📸📸📸📸📸
服務質素～😊😊😊😊😊
好味指數～👅👅👅👅👅
性價比～💰💰💰💰消費 HK$300/2人
🏠～ 麥金.麥金馬來西亞特式茶啡室
📮～ 大角咀大全街6-20號大富樓地下A2B號舖
