玥屋

12點正即刻打去book位，因為餐廳座位唔多，如果book唔到位午飯時間應該冇乜希望。12點準時嚟到入座，期間keep住有好多外賣單，喺區內好受歡迎，門口仲可以泊車。

辣吞拿魚腩脆卷

$70

重口味人士應該好鍾意呢個，辣辣地好惹味，上面嘅脆脆有唔同口感，食落去好得意。

燒三文魚奇脆卷

$70

呢一個中間同樣包住脆脆，面頭用三文魚包住，同樣係一次過食到兩種唔同嘅口感，不過食一件都足夠，食得多會有啲漏。

角切魚生飯

$60

國切三文魚飯份量十足，只要食材新鮮，其實都唔會出錯，可以一試。底下飯量十足，啲飯仲有調味撈埋漬物，可以解膩。

玥屋蛋

$6

呢個同一般玉子壽司唔一樣，特別在有兩層玉子中間夾住一層飯，鍾意食蛋朋友一定要叫。