岡山一番店 (樂富廣場A區)

营业中

休息中

好少黎樂富, 咁岩黎開見到呢間拉麵店最平個拉麵只係五十幾蚊, 就睇下煮成點樣 😀 坐低揀好自己要食邊款, 湯既濃度, 油度, 辣度, 麵既硬度, 仲有芽菜份量, 芽菜我揀左兩倍, 出到黎都好多芽菜, 四倍唔敢想像 🤯 揀完就出去比錢, 好快個拉麵就黎左。半熟玉子拉麵 $67拉麵係粗身既, 小編我拉麵鍾意幼身, 食沾麵可能會合適啲, 個湯熱辣辣, 份量都幾多, 流心蛋個味醃得唔夠, 有兩舊叉燒, 唔係好大舊, 基本上未食完個麵已經食完舊叉燒 😖 叉燒同樣醃得唔夠入味正所謂一分錢一分貨, 個價比出面平, 味道得過且過, 所以計埋都唔太差 😅 除左拉麵, 佢仲有關東煮, 每件$9, 除非身處日本, 一般都好少食關東煮。