大煲皇煮廚 (已結業)

自從天氣轉涼，就開始火鍋的季節，今晚約朋友來荃灣的大煲皇，地點方便鄰近地鐵站，雖樓底不高但地方頗寬闊，我地安排坐卡位也覺得舒適，又有空間感。雖然價錢偏高，但呢度賣點就是海鮮，夠新鮮又大隻，火鍋放題有2.5小時，充足的時間可以慢慢享受。九款鍋底選擇，我地揀了胡椒豬肚鍋。火鍋配料任食，如慣常的點餐紙，餐廳按人數出食物，份量剛好。當我地點好食物後，就可以到雪櫃自取飲品，有汽水、jolly shandy、罐裝茶類等等。醬料不算多選擇，不過鍋底味道夠，所以不需花巧調味。先來精選刺身拼盤，三文魚肥美厚肉；帶子超大粒又鮮嫩，估唔到火鍋都有冰涼刺身食。連赤蝦刺身都爽甜彈牙，味道幾好。胡椒豬肚鍋很足料，有大量豬肚及酸菜，胡椒味濃重，湯底清而不膩，豬肚也處理得宜，沒有異味，還有好多枝竹吸哂湯汁的味。手切安格斯肥牛，油脂分佈平均如雪花般，顏色鮮豔吸引，只有一碟，真係有點不夠喉。油光閃令令，入口快要溶化，牛味濃又香，肉質還很嫩。任食的肩胛肥牛也不錯，脂肪較多，但部位不同亦有一番滋味。肩胛位特別有嚼勁，牛味也突出，脂肪豐富所以也很香。另一主角就是環球海鮮盤，也是只有一盤，超級豐富的海鮮拼盤，有聖子皇、大元貝、花