八幡屋涮涮鍋 (已結業)

天氣凍冰冰，最啱就係約埋朋友烚下烚下暖暖身！朋友係大胃王又係食肉獸，放題就最啱，一個價錢就可以無限量任食M5和牛、海鮮刺身、多款日式燒物、炸物同手握壽司。環境寬敞，座位闊落，更設有自助放題區，有多款火鍋配料同甜品，飲品方面有清酒、啤酒汽水，一樣無限供應，選擇豐富，口味多元化，一次過滿足唔同需要，啱晒選擇困難同心多多嘅我！牛肉油脂分布適中，肉味濃，豚肉唔會嚡熠熠，有肉汁，熱食都唔錯，大吃大喝好滿足。