生隆餅家 (已搬遷) 新店位置

講起生隆餅家，佢嘅白糖糕同砵仔糕都好好食！去到大事大節，例如中秋節買月餅、新年買賀年食品嘅時候就更加係好多人！今次去就係要買賀年食品其中一個主角—豆沙角，因為要新鮮炸，太早太遲都會無得買嫁！豆沙角粒粒都圓轆轆，咬落好煙韌，入面嘅豆沙餡唔會好甜但餡唔算太多。呢度仲要買好多其他嘅傳統賀年食品例如糖環、煎堆同酥角等等，要買記得睇岩時間去！星期一係生隆餅家定休日，記得唔好嗰日去！