蜜滋麻美

营业中

休息中

行行重行行，走上一條大概40度傾斜嘅鴨巴甸街，有啲鬧市行山feel，就到咗呢個歷史悠久嘅台中茶飲店。時值12月，行到半條上斜街剛好身水身汗，整番杯茶飲就啱哂。同老友一人一杯，芝麻黑糖珍珠鮮奶，上面滿滿灑上大堆泥般黑芝麻粉，周遭有啲類似胚芽嘅東西，少糖，第一啖飲已bling bling眼，芝麻味勁到似食芝麻糊，珍珠結實有彈性，飲到底都仲有堆芝麻「泥」剩咗喺度，飲完個口又冇漿住，估計用啲食材都靚嘢。另一杯香檳茶王，同樣少甜，香檳大概指飲品顏色，飲落去似伯爵茶，輕微回甘，朋友話似中式茶但好飲好多。舖內簡裝，得一張小高身圓枱，似方便人買完杯嘢放枱面俾相機食先咁款。