禪

营业中

休息中

TERA旗下全新品牌登陸沙田，由法國藍帶廚師主理，主打多款日式料理，從主食、小食、甜點同飲品應有盡有，店內環境唔大，木系風，服務態度友善，適合約閨蜜食飯吹水👭餐廳招牌菜有白咖喱烏冬，上面有層厚厚嘅奶油，下面就鋪滿咖喱烏冬，味道香濃惹味，濃厚度適中，麵條煙韌而且超級掛汁，唔好以為份量咁少，食吓食吓都幾飽肚㗎。冇咁膩嘅可以叫番茄湯烏冬，湯底唔係水狀，似醬汁多啲，而且有番茄蓉，真材實料，配埋少量野菜，開胃又健康。小食有炸蝦、芝士年糕同單骨雞翼，炸至金黃酥脆，熱辣辣好好味。甜品方面有刨冰同窩夫，要咗個櫻花抹茶同大黃士多啤梨口味嘅窩夫試試，前者帶苦，後者微甜，窩夫散發著蛋香氣，本身已經有味，所以其實唔點醬都得，下次會揀加雪糕。