楚撚記大排檔

一大班朋友聚餐或慶生？ 諗緊去邊度食飯好？ 位於荃灣楊屋道街市附近呢間楚撚記，主打港式大排檔小炒，環境充滿住港式懷舊味道，係唔少香港人嘅童年回憶。餐廳開左幾年， 晚晚人流不絕，原因係佢用心製作香港人特色大排檔菜式，食菜新鮮高質，炒得有鑊氣！ 仲要全場免加一、免茶介，仲有送糖水！ 抵讚！👍🏻

2

1）🍍菠蘿拔絲咕噜肉（梅頭）- 楚撚記招牌菜，賣相好靚。用新鮮梅頭肉製成，咕嚕肉香軟，仲有唔同蔬果，有菠蘿、青椒、蜜桃拼砌而成，配搭拔絲一齊食，口感豐富，十分開胃！

2）🦐金銀蒜粉絲蒸開邊蝦 - 蝦大隻， 鮮甜肥美，蒸完後肉質夠爽彈，一梳梳肉咁撕開，好澎湃。底下嘅粉絲，索曬蝦嘅精華。將蝦、粉絲及金銀蒜一啖入口， 層次十分豐富！

3）🥬飛天通菜煲 - 看似好簡單既一碟菜，但係巧妙地用蝦乾同蒜頭炒埋一齊，火喉調校得好好，炒得十分惹味。
4）🍚楚然豬油撈飯 - 較少係餐廳出現嘅豬油撈飯，楚撚記竟然有賣！ 用砵仔蒸嘅飯，配上豬油、豉油、芫茜及蔥一齊食，每一口都係享受。

5）🍯番薯糖水及桂花糕 - 贈送的甜品。 番薯糖水甜而不油膩，番薯香甜，滿滿嘅薑汁味。