發興茶檔 (已結業)

o係橋底大排檔食野其實都幾有格調，而且d野仲好好食添！(1)蒜香吉烈豬扒麵：豬扒皮脆肉香，個麵轉出前一丁(加$2)仲正。(2)雞翼麵：雞翼大大隻，炸到金黃色，皮脆肉滑，記得叫佢雞翼同麵分開上。(3)豬扒包：唔用豬仔包，而用白方包，不過塊方包成吋厚，軟綿綿，夾埋豬扒，美味。(4)新o野：個名就係叫「新o野」，其實係烘麵包皮，上面搽咖吔，加大大塊鮮牛油。雖然好肥，但係熱辣辣既多士上面有凍冰冰既鮮牛油，咬一啖，令你交纏於冷靜與熱情之間，不愧為鎮店之寶。