影片
更多
2008-07-22
12 浏览
「坐下在目黑區深宵那個摩斯漢堡店 ，默默用著雙手談情，然而漢字會一點」。嗰一次係我第一次聽到依個名。雖然唔係太知道咩係摩斯漢堡店，但好奇妙咁對佢印象好深刻。第二次聽到依個名，係會考後從一班啱啱喺台灣返來嘅同學仔口中。佢地同我講︰「摩斯漢堡店好好食架，我地食左幾次呀﹗」。幾年前，香港終於有左自己第一間摩斯漢堡店了。唔知道係咪一直以來對佢已經有一個「印象」，第一次食便愛上左。摩斯，對我唻講有一種奇怪嘅「摩」力。因為身處外地嘅關係，已接近八個月冇食過。好掛住，好掛住，滿心期待的去到買。要左一個黑醋Saku Saku雞肉漢堡餐，跟嘅當然係炸雞件，仲有杯汽水。服務生依舊非常有禮貌，果然係日本公司。第一次喺沙田度食，出面同廚房只係隔住一塊玻璃，入面發生緊咩事全部一目了然，令我想起小籠包店。只可惜原來唔似得小籠包店咁，依度好多野都係整定的。生菜蕃茄當然一早準備好，但原來雞扒經已浸左喺黑醋中，上面塊包烘左一烘，而下面嗰塊就完全冇烘。炸雞同炸蝦亦都係一批批咁出，新唔新鮮就好睇你好唔彩。好快就有得食啦。記憶中，以前食朗豪坊嘅MOS Burger，比今次要等得更耐。究竟係而家全線摩斯唔會再即叫即整，定係只係
因為身處外地嘅關係，已接近八個月冇食過。好掛住，好掛住，滿心期待的去到買。要左一個黑醋Saku Saku雞肉漢堡餐，跟嘅當然係炸雞件，仲有杯汽水。服務生依舊非常有禮貌，果然係日本公司。第一次喺沙田度食，出面同廚房只係隔住一塊玻璃，入面發生緊咩事全部一目了然，令我想起小籠包店。只可惜原來唔似得小籠包店咁，依度好多野都係整定的。生菜蕃茄當然一早準備好，但原來雞扒經已浸左喺黑醋中，上面塊包烘左一烘，而下面嗰塊就完全冇烘。炸雞同炸蝦亦都係一批批咁出，新唔新鮮就好睇你好唔彩。好快就有得食啦。記憶中，以前食朗豪坊嘅MOS Burger，比今次要等得更耐。究竟係而家全線摩斯唔會再即叫即整，定係只係沙田依間係咁?
唔知道答案，唯有食左先算。黑醋Saku Saku…第一啖咬落去，其實早就應該估到，係唔太脆的。一早浸左喺醋入面又冇番熱過，當然唔會脆，而且只係暖暖地，好在有一塊包係烘左的。雖然唔太夠熱，但雞肉幾滑亦唔乾。味道方面，雞肉面嘅黑醋加上沙律醬起左好好嘅化學作用! 兩種唔同嘅酸味︰黑醋較酸較深層的香味同埋沙律醬甜中帶酸的味道，加埋一齊竟然配合得很! 生菜係切絲的，比較有誠意，亦都係我喜歡MOS Burger其中一個原因。蕃茄唔係特別新鮮，而包都夠鬆軟。
失望，但其實一直最喜愛摩斯的並唔係其漢堡，而係炸雞。一直覺得摩斯比其他漢堡店更勝一籌亦都係因為依一舊炸雞，所以仍然有希望! 拆開包裝，一口咬落去，同樣地覺得有少少唔對路︰唔夠脆，有少少林。仲記得以前食係非常脆口，雞皮好香口，咬落去有好多肉汁。今次味道唔錯，肉質仍然好滑，但唔夠以前多。依舊晒拆骨嘅炸雞仍然好食，但相比起以前難免有少少失色。
究竟係真係退步左，定係以前冇其他類似嘅店令到我回憶中嘅摩斯過份美好? 其實即使而家咁，只係畀多十幾蚊就食到比M記好幾倍嘅質素，係絕對食得過。不過我仍然唔甘心，決心搵日去朗豪食多一次，要尋回以前嗰種更好嘅味道!
下一站︰Triple O's
张贴
