烏蠅館

呢排芫荽大熱😂😂
身為香港芫荽黨黨員
梗係要周圍搜羅芫荽嘢食啦☘️
成日都聽人講烏蠅館好好食
夜晚食火鍋 晏晝食冒菜
今日lunch專登去咗試下係咪真係咁好食😋
晏晝都幾多人排隊
好彩我一個人好快就有得坐低😛
湯底都幾多選擇
鍾意重口味又唔食得辣嘅我 就叫左藤椒湯底
雖然係即叫即做
但係等咗唔係好耐就已經上菜
非常之令人驚喜嘅係
只係俾多$1嗌多芫荽
就獲得 滿 滿 芫荽！☘️☘️☘️
我今次叫咗 鴨血、新鮮淮山、薯仔片、萵筍、墨丸、腩肉，配粉絲
雖然都好多餸 但係餐廳一啲都冇偷工減料👍🏻
每款都非常足料
個湯底越食越好味 麻得嚟唔會好辛苦
配埋芫荽簡直昇華到另一個層次😍
飲品我就叫咗杯凍嘅桂花蜂蜜🌼
清清甜甜平衡返碗麵嘅重口味
整體嚟講碗麵好食得嚟都幾抵幾飽肚
有機會會再嚟食其他味道嘅湯底
/
$50 單人A餐六個餸 + $5主食 + $1芫荽
$18 桂花蜂蜜