紅茶冰室 (已結業)

大年初二返完观塘教会揾食😋但系平时去开既大盛新年冇开，一大班人好彩有先头部队揾到12个位，不过推BB车入去有一级楼梯同通道好窄，要折埋BB车放埋一边。谂紧食午餐🥣好定常餐特餐快餐，最后拣咗特餐（$56），有沙爹牛面、丹麦🇩🇰多士同火腿奄列，大满足😌，叫咗奄列生d，但上菜时唔知😐边个奄列生d，茶餐厅🍴都冇乜可要求，沙爹牛面唔错👍🏻，上次睇ViuTV茶餐厅🍴先知其实港式沙爹即系沙茶，咁又真系食落同泰式沙爹唔同。餐饮叫热啡，有d苦，落咗包半糖。埋单时睇返张单先知要加二，但入门口又唔见有notice，落单时侍应又冇讲，感觉唔好受但又谂返人地新年返工都惨。门口有日式芝士🧀蛋糕🍰$58但放满菠萝包，图文不符😅