呢間丸作食茶越開越多分店，就知道有料到！
今日同朋友黎開紅磡，當然唔會錯過飲佢嘅好機會啦
黑糖珍珠蜜糖奶茶（必飲系列）
飲之前要搖一搖佢，黑糖珍珠好煙韌，唔會好硬好假嘅口感，讚！食落好重黑糖味，讚！我哋帶咗少冰少甜，味道剛剛好，簡直每一啖都係享受
朋友叫咗杯黑洞拿鐵去黑芝麻珍珠（必必嗌系列）
簡直係絕配！黑芝麻珍珠粒粒都好重芝麻味，而且口感軟熟，試過真係返唔到轉頭
小店店鋪唔大，但係勝在咩種類嘅飲品都有。
1
仲有人氣排行榜幫到有選擇恐懼症嘅你
連珍珠都咁多花款，今日嚟到有好幾款都售罄，就知有幾受歡迎
見到佢成日有推出優惠同埋唔同嘅新產品
試過好多其他唔同嘅飲品店，開到撞晒名
（有時唔小心都會搞錯）
但第一位一定係歸佢「丸作食茶」
