醉翁亭火鍋館 (已結業)

前幾日同屋企人去觀塘APM飲茶，個到出曬名有一棟全部都係酒樓，無意中發現３樓呢間醉翁亭火鍋館夜晚有得打邊爐，所以今日就在一次同屋企人黎試下。佢都幾平，平日$298無限時任飲任食，假日$328無限時任飲任食，9點後仲有8折優惠，另外生日優惠都有免費／半價，咁岩而家仲有一個優惠，就係有$30現金卷，真係平。坐低之後就可以出去拎熟食，款式都算多，又有糖水，仲有飲品都係出面拎，自由選擇。跟住就可以選擇湯底，我鐘意食濃味，屋企人要清清淡淡，所以最最最鐘意就係有得鴛鴦鍋，一邊沙爹湯，一邊冬瓜瑤柱湯，每位入黎食既都會有一個套餐，包括(海鮮盤，至尊水餃皇，刺身併盤，極級牛頸脊，蠔皇花膠冬茹)。刺身好厚又新鮮，每人有一片，想叫要俾錢。海鮮樣樣都係新鮮既，最令我驚訝既係蟶子同貴妃蚌，好大隻，煮熟之後，肉都唔會縮細，仲好鮮甜爽口。其實材料都係好多選擇，雪花肥牛，豬頸肉，炸響鈴，豆腐等等，豆腐好滑，豬頸肉比較爽口，炸響鈴好脆，放落去吸曬Ｄ湯，好好味。總括黎講$298有咁多選擇，仲要樣樣都咁好味，又新鮮，物有所值。