鴻陞泰國菜

营业中

休息中

九龍城係泰菜勝地，有一半嘅餐廳都係泰國菜，我朋友帶左我去e間佢平時食開嘅泰國餐廳。特別鐘意食大頭蝦嘅我，叫左佢地嘅燒大頭蝦，即叫即燒，一隻有成手掌禁大，雖然唔算多膏，但肉質超級爽口彈牙，仲好鮮甜。黃咖喱炒蜆配蒜蓉包，炒蜆份量絕對唔少，而且隻隻都好新鮮冇沙，咖喱汁配上蒜蓉包，我一個人都可以食晒。如果你係一個人嚟食，我推薦泰式肉碎飯加煎太陽蛋，辣辣地好惹味，仲有流心太陽蛋撈飯。平時去泰國菜餐廳，我通常都係飲龍眼冰，而今次就試咗紅毛丹冰，味道比較甜，有少少似荔枝。