麻辣風雲 (荃碧大廈) (已結業)

同男朋友撐枱腳，我地兩個都係極度嗜辣者，所以特登一早book定入去荃灣食呢間麻辣風雲👫本身想嗌酸菜魚嘅，不過男朋友話唔想食酸辣，淨係想食辣🙄所以就叫咗個水煮牛肩肉$268🐮本身以為都係啲普通肥牛片，點知一上菜係厚厚地嘅真點靚嗰種牛肩肉，因為係牛肩嘅部份，仲要係靚牛，所以牛味特別重，好高質👍🏻個水煮牛個底本身跟咗啲菜同寬粉，不過感覺上都好似唔係好多菜咁，所以我地都叫咗份手撕包菜$98。雖然都係用辣椒同油爆香嚟炒，唔見得健康得去邊🙈不過話晒都係菜，感覺心理平衡啲🤣佢個手撕包菜同椰菜其實好似一樣，不過呢度每一片都好大片，唔似平時係屋企自己煮會碎濕濕，食落索索聲，好清脆利落🥬本身我係想叫多份肥腸，男朋友又話佢想食其他，最後諗到個兩全其美嘅方法，就係叫自選干鍋$68起😎自己揀自己想食嘅配菜，河水不犯井水，唔洗嗌交🤓佢個干鍋自選個鍋底本身包蓮藕、椰菜花、萵荀同埋京蔥。要留意，如果自選干鍋嘅話要叫最少五款起✋🏻不過絕對唔洗擔心嗌唔到五款，因為配菜有五大類（肉類、輔菜類、丸類、蔬菜類、海鮮類）反而要擔心眼花撩亂揀唔落手😂佢仲可以自選口味同辣度，完全係任君選擇😜我就緊係揀咗肥腸，其他都比男朋友發板😌最後