Dodam Chicken (利舞臺廣場)

营业中

休息中

原本想去既餐廳滿座，係openrice求其搵左間好評餐廳。門口服務員似係韓國姨姨，好有禮貌，好快就可以入口。由於時間只係7點左右，在場人數唔算多，而且播曬韓文歌，幾有韓國氣氛。食韓國菜必點炸雞，所以先叫左個新出既蜂蜜牛油香蒜脆雞(無骨），蜂蜜牛油原本已經係經典好食既配搭，加埋炸雞真係好惹味，但如果2個人食都建議叫半份都夠食。另一個叫左既係芝士年糕拉麵，一上枱聞到濃濃既韓式辣味，加上芝士同埋魚糕、年糕、芝士獅子狗既配搭，真係絕配。飲品方面，叫左peach bottle米酒同apple cider rita。個人認為peach bottle好岩冇飲開酒/酒量弱既人，而apple cider rita主要以apple cider mix啲應該係青檸汁既味，都好值得一試。