米線二雲南過橋米線 (已結業)

星期日Lunch時間兩個人嚟到大壩街，沿路直行睇吓有乜嘢食，遠遠見到一個大招牌「米線二」，勁搶眼，似乎係新開嘅，一於入去試吓先。QR code自己落單，步驟清晰簡單，好快就點完餐。兩個人叫咗兩碗米線，兩個小食，兩杯飲品。「自選小窩米線」：酸辣，小辣，米線腍啲，走韭菜。叫咗三款餸，冬菇，豬膶，豬軟骨。「自選小窩米線」：清湯，肉碎辣，多芽菜。叫咗三個餸，雞翼，豬軟骨，螺旋藻。勁大碗，好多肉碎，口感勁豐富！本身唔食得辣，所以叫清湯，佢雖然有注明（肉碎辣），但都算辣，如果唔食得辣都建議走肉碎啊！兩款小食分別係；豆卜釀豬肉，香脆雞球。兩款小食都係炸嘅，炸到脆卜卜。兩杯凍檸茶少冰走甜，由於走甜嘅關係，特別飲得出茶底味同埋檸檬香。勁搶眼嘅招牌門口