影片
更多
2022-07-01
2079 浏览
大南街就出名多嘢食同埋一啲靚裝修嘅Cafe。喺門口見到佢個霓虹燈招牌，原來係一間食夏威夷魚生飯嘅咖啡室！佢門口都有一張室外嘅座位，裝修簡約別緻，但係卻人頭湧湧。大約晚上7:00都已經差唔多九成full。Poke Bowl 你可以自己DIY,，選擇你鍾意食嘅配料。但亦都可以唔用腦，用懶人包，揀佢幫你襯左配搭好嘅魚生飯！我男朋友鍾意自己話事，所以就用螢光筆揀咗佢鍾意配嘅配料。 其實運作就係好簡單，你揀一款魚，再揀過飯底再配襯三款免費自選嘅toppings再揀醬＋調味。如果你有額外需要，就可以再加錢去配搭，一配poke bowl大概係$100內。佢揀咗三文魚、珍珠糙米飯、溫室青瓜、櫻桃蕃茄、甜粟米、蜜糖芥茉醬、紫菜、鰹魚絲同埋辣椒碎。三文魚厚切大大粒， 睇起嚟超級肥美，而且佢個蕃茄仔亦都原粒上，咬落去嘅時候係在口腔爆發佢嘅肉汁。我男朋友嘅配搭就係比較爽脆嘅配料，好似溫室青瓜粒同埋粟米都為魚生飯增添口感。我覺得糙米飯都幾好味，咬落去嘅時候特別煙un，食起嚟亦都更加健康！一啖過有晒所有嘅配料，蜜糖芥末汁就係去提升所有食材嘅鮮味同埋甜味。我選擇嘅魚生飯係shouyu ahi。吞拿魚配壽司白飯，配料
大南街就出名多嘢食同埋一啲靚裝修嘅Cafe。喺門口見到佢個霓虹燈招牌，原來係一間食夏威夷魚生飯嘅咖啡室！
佢門口都有一張室外嘅座位，裝修簡約別緻，但係卻人頭湧湧。
大約晚上7:00都已經差唔多九成full。
Poke Bowl 你可以自己DIY,，選擇你鍾意食嘅配料。但亦都可以唔用腦，用懶人包，揀佢幫你襯左配搭好嘅魚生飯！
我男朋友鍾意自己話事，所以就用螢光筆揀咗佢鍾意配嘅配料。 其實運作就係好簡單，你揀一款魚，再揀過飯底再配襯三款免費自選嘅toppings再揀醬＋調味。如果你有額外需要，就可以再加錢去配搭，一配poke bowl大概係$100內。
佢揀咗三文魚、珍珠糙米飯、溫室青瓜、櫻桃蕃茄、甜粟米、蜜糖芥茉醬、紫菜、鰹魚絲同埋辣椒碎。
三文魚厚切大大粒， 睇起嚟超級肥美，而且佢個蕃茄仔亦都原粒上，咬落去嘅時候係在口腔爆發佢嘅肉汁。
我男朋友嘅配搭就係比較爽脆嘅配料，好似溫室青瓜粒同埋粟米都為魚生飯增添口感。
我覺得糙米飯都幾好味，咬落去嘅時候特別煙un，食起嚟亦都更加健康！
一啖過有晒所有嘅配料，蜜糖芥末汁就係去提升所有食材嘅鮮味同埋甜味。
我選擇嘅魚生飯係shouyu ahi。
吞拿魚配壽司白飯，配料有青蔥粒、洋蔥、芝麻、鰹魚絲、同海帶。汁就係鰹魚醬油。
就係因為壽司白飯同埋鰹魚醬油，食起嚟我覺得好日式，比較配合返平時食魚生飯嘅味道，我就更加鍾意！
佢嘅吞拿魚都係厚切㗎，而且份量非常足，起碼有10舊以上，好抵食！
佢個海帶絲浸泡咗之後，好似有海水鮮味咁樣，食起嚟同魚生特別配搭，欣賞!
估唔到喺大南街入邊都有一間咁抵食、大大碗嘅夏威夷魚生飯。用料十足，配搭亦都好新鮮，啱晒鍾意健康選擇嘅朋友仔同朋友嚟坐一坐！
张贴
