夫妻沸片-台式麻辣火鍋 (已結業)

～自助區有三款前菜，可以任添，醬汁區仲有特別嘅沙茶醬等。雖然呢度本身出名嘅係麻辣火鍋，最近入冬，都想食返啲比較滋潤啲嘅，就選擇咗佢哋嘅新出品～美人花膠雞鍋店員教先享受下個湯，先再加水打邊爐，半熟嘅雞件放鍋煮三分鐘就食得，滑溜無雪味👍🏻我就鍾意將花膠煮返十分鐘左右先食，就更加入味，湯頭入口甘甜，膠質濃厚，感覺越飲越滋潤😊手切牛小排～牛味好重好濃郁，顏色鮮艷，望落同食落都感覺新鮮，而且口感爽滑。海鮮拼盤～大大盤拼盤裏，材料眾多，全部海鮮都好鮮美，食得出係新鮮貨，烚完之後令成個湯底比之前更多左份鮮甜味。款款新鮮，我最鍾意係大大嘅隻嘅元貝，非常厚肉❤️有口感。