小食我地嗌咗牛油果蟹肉他他同炸魷魚鬚。牛油果同蟹肉嘅組合非常特別，蟹肉味道鮮美，估唔到又好夾，令味蕾嘅感受更加豐富。炸魷魚鬚炸得啱啱好，夠香口又好有魷魚嘅鮮味!
Main course我地食咗牛油果軟殻蟹意粉。軟殻蟹好大隻又好肥美多肉，，配上意粉嘅牛油果醬，同蟹肉嘅鮮味相輔相成，絕對係一個令人滿足嘅意粉。
最後就係佢嘅主角- 伯爵茶珍珠疏乎厘班戟。呢個疏乎厘班戟軟綿入口，配上伯爵茶同煙煙韌韌嘅珍珠，夠哂咬口真係一個完美嘅結尾。
整體而言，呢間Cafe提供多款美味嘅頭盤、主菜同甜品，每一款都有獨特嘅風味，絕對可以滿足不同味蕾嘅需求！
