餐廳環境都係一般小店咁，幾企理
同女朋友一人叫左一個飯，驚唔夠飽仲叫多左個小食（後尾飽到有少少後悔），因為我地兩個都叫豬排飯，所以叫左個清淡既豆腐小食
豆腐唔錯！係硬豆腐再加魯肉同埋木魚花，食落豆味幾重，清新開胃。
女朋友叫左豬排撈面，豬排勁大份同埋蔥俾得好爽手，唔似有d餐廳嗌蔥油雞排飯都係得一pat仔蔥油。
豬排好入味，食得出無用鬆肉粉"la"過，包係外面既炸漿上得好薄，唔係食落成口粉咁，撈面質地都好乾爽、唔會太油太乾
我就叫左焗豬排飯
同樣都係咁大份豬排，超級厚，每一口咬落去都好滿足到我依個食肉獸醫。飯焗得好乾身。蕃茄汁唔會死甜、仲有蕃茄既酸甜。而家加埋芝士同蛋，我覺得完勝唔少連鎖餐廳既焗豬排飯
咁既價錢、咁既份量係銅鑼灣黎講真係算好抵食，難怪日日都咁坐滿
