串Chill

营业中

休息中

今日行過太和，見到呢間串燒店幾有特色就入咗去試吓。入去見到有一蚊一隻甜蝦，即刻叫咗嚟試，出乎意料地鮮甜，冇諗過喺一間串燒店食刺身食到咁有驚喜😋之後仲叫咗花甲粉，個花甲粉夠乾身入味，又唔會好鹹，專登叫好多蒜片，越食越上癮。同埋叫咗燒雞泡魚乾，配個黑松露醬好好食。最後叫埋芝士黑松露玉子燒，好有蛋香味，上面加左海苔，但唔會好搶味，配埋黑松露，十分之夾。成間舖頭雖然唔大，但坐得好舒服，仲要有Netflix睇，老闆仲俾我自己揀戲，坐下唔覺都食左兩個幾鐘，整體感覺十分之好。值得推介同一試。